செய்திகள்

இரு இடங்களில் இரண்டு கொலைகள்

முந்தளம், ரத்மல்கஸ்வெவ பிரதேசத்தில் துப்பாக்கியால் சுட்டு ஒருவர் கொலை செய்யப்பட்டுள்ளார்.

துப்பாக்கிச் சூட்டுக்கு இலக்கான நபர் பலத்த காயங்களுடன் புத்தளம் வைத்தியசாலையில் அனுமதிக்கப்பட்ட பின்னர் உயிரிழந்ததாக பொலிஸார் தெரிவித்தனர்.

மஹகும்புக்கடவல, ஜயராஜபுர பிரதேசத்தைச் சேர்ந்த 32 வயதுடைய ஒருவர் என்று தெரிவிக்கப்பட்டுள்ளது.

சடலம் புத்தளம் வைத்தியசாலையில் பிரேத அறையில் வைக்கப்பட்டுள்ளதுடன், மரண விசாரணைகள் இன்று இடம்பெறவுள்ளன.

துப்பாக்கிச் சூடு நடத்திய சந்தேகநபர் இதுவரை அடையாளம் காணப்படவில்லை என்று முந்தளம் பொலிஸார் தெரிவித்தனர்.

இதுதவிர, ஊரகஸ்மங்ஹந்திய, பெலிகஸ்வெல்ல பிரதேசத்தில் கூரிய ஆயுதங்களால் தாக்கப்பட்டு நபர் ஒருவர் கொலை செய்யப்பட்டுள்ளார்.

உயிரிழந்தவர் அதே பிரதேசத்தைச் சேர்ந்த 36 வயதுடைய ஒருவர் என்று பொலிஸார் தெரிவித்தனர்.

n10