செய்திகள்

கிழக்கு மாகாண முதலமைச்சர் பதவியை கூட்டமைப்பு கேட்பது ஏன்? சுமந்திரன் விளக்கம்

கிழக்­கி­லுள்ள மூன்று மாவட்­டங்­களிலும் இரண்டு மாவட்­டங்­களில் கூடிய வாக்­கு­களைப் பெற்று முன்­னி­லை­யி­லுள்ள நாம் முத­ல­மைச்சர் பத­விக்குத் தகு­தி­யான­வர்­களே என தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்திருக்கின்றார்.

இந்த நிலைப்­பாட்டில் நாம் பிடி­வாதம் பிடிப்­ப­தாக முஸ்லிம் காங்­கிரஸ் கூறு­வது ஏற்­பு­டை­ய­தல்ல என்றும் தெரிவித்த சுமந்திரன், இரண்டு வருடங்களுக்கு முன்னர் இடம்பெற்ற மாகாண சபைத் தேர்தல் முடிவுகளின் அடிப்படையிலேயே இந்தக் கோரிக்கையை தாம் முன்வைத்திருப்பதாகவும் சுட்டிக்காட்டினார்.

இது குறித்து சுமந்திரன் மேலும் தெரிவித்திருப்பதாவது:

“2012 ஆம் ஆண்டில் இடம்­பெற்ற தேர்­த­லின் ­போது கூடிய வாக்­கு­களைப் பெற்று முன்­னி­லையில் இருந்த ஐக்­கிய மக்கள் சுதந்­திர முன்­ன­ணி­யை­விட 6,100 வாக்­கு­க­ளையே நாங்கள் குறை­வாகப் பெற்­றி­ருந்தோம். ஆனால், முஸ் லிம் காங்­கிரஸ் எங்­க­ளை­விட 60 ஆயிரம் வாக்­குகள் குறை­வாகப் பெற்று மூன்­றா­வது இடத்­தி­லேயே இருந்­தது. இது­மட்­டு­மன்றி, திரு­கோ­ண­மலை, மட்­டக்­க­ளப்பு மாவட்­டங்­களில் தமிழ்த் தேசியக் கூட்­ட­மைப்பே முன்­னிலை பெற்­றி­ருந்­தது.

கிழக்கு மாகா­ணத்தில் ஆட்­சி­ய­மைக்கும் சந்­தர்ப்பம் வந்­த­போது நாங்கள் முஸ்லிம் காங்­கி­ர­ஸிற்கு அழைப்பு விடுத்­தி­ருந்தோம். அவர்­களில் ஒரு­வ­ருக்கு முத­ல­மைச்சர் பத­வியை வழங்­கு­வ­தா­கவும் நாம் தெரி­வித்­தி­ருந்தோம். ஆனால், தேர்தல் காலங்­களில் எதிர்த்துப் பிர­சாரம் செய்­து­வந்த ஐக்­கிய மக்கள் சுதந்­திர முன்­ன­ணி­யு­ட­னேயே முஸ்லிம் காங்­கிரஸ் இணந்து ஆட்சி அமைத்­தி­ருந்­தது.

அவர்­க­ளு­டைய அமைச்­ச­ர­வையில் எந்தத் தமிழ்ப் பிர­தி ­நி­தியும் இணைத்துக் கொ ள்­ளப்­ப­ட­வில்லை. தமிழ் மக்கள் பெரும்­பான்­மை­யாக வாழ்­கின்ற கிழக்கு மாகாண அமைச்­ச­ர­வையில் கடந்த இர ண்­டரை வரு­டங்­க­ளாக எந்­த­வொரு தமிழ்ப் பிர­தி­நி­தியும் உள்­ள­டக்­கப்­பட்­டி­ருக்­க­வில்லை.

தற்­போது, மத்­தியில் ஆட்­சி­மாற்றம் ஏற்­ப ட்­டுள்ள நிலையில், கிழக்கு மாகாண சபை­யி லும் ஐக்­கிய மக்கள் சுதந்­திர முன்­னணி பெரும்­பான்­மையை இழந்­துள்­ளது. எனவே, பெரும்­பான்­மையை பெற்­றுள்ள நாம் முஸ்லிம் காங் ­கி­ர­ஸிற்கு இரண்­டா­வது சந்­தர்ப்­பத்தை வழங்­கி­யுள்ளோம். ஆனால், அவர்கள் முத­ல­மைச்சர் விட­யத்தில் மீண்டும் எமக்கு ஆத­ரவு தர மறு க்­கின்­றார்கள். மாறாக நாங்கள் பிடி­வாதப் போக்­குடன் இருப்­ப­தா­கவும் தெரி­வித்து வரு­கின்­றனர்.”

இவ்வாறு சுமந்திரன் தெரிவித்தார்.