Search
Thursday 20 September 2018
  • :
  • :
தலைப்பு செய்திகள்

ஆஸ்திரேலியா தடுப்பு முகாமிலிருந்து அமெரிக்கா செல்லும் அகதிகள்

ஆஸ்திரேலியா தடுப்பு முகாமிலிருந்து அமெரிக்கா செல்லும் அகதிகள்

நவுருத்தீவில் உள்ள ஆஸ்திரேலியா தடுப்பு முகாமிலிருந்து அமெரிக்காவிற்கு செல்லும் 36 அகதிகள் அங்கு மீள்குடியமர்த்தப்பட இருக்கின்றனர். இவர்கள் ஆப்கானிஸ்தான், பாகிஸ்தான், மியான்மர், மற்றும் இலங்கைச் சேர்ந்த அகதிகள் எனத் தெரியவந்துள்ளது.

அதே சமயம், அமெரிக்கா தடைவிதித்துள்ள நாடுகளான ஈரான், சோமாலியா அல்லது இன்னும் பிற முஸ்லீம் நாடுகளை சேர்ந்த எவரும் இதில் சேர்க்கப்படவில்லை. ஆனால் இந்த நாடுகளை சேர்ந்த அகதிகளே ஆஸ்திரேலியா நிர்வகிக்கும் பப்பு நியூகினியா மற்றும் நவுரு தடுப்பு முகாம்களில் பெரும்பான்மையாக இருக்கின்றனர்.

அமெரிக்கா தடைசெய்துள்ள நாடுகளைச் சேர்ந்த அகதிகள் மீள்குடியமர்த்தும் பட்டியலில் சேர்க்கப்படாமல் இருப்பது , இம்மக்களின் எதிர்காலம் தொடர்பாக ஆஸ்திரேலியா அரசிடம் எந்த திட்டமும் இல்லை என்பதை எடுத்துக் காட்டுகிறது என அகதிகள் நல வழக்கறிஞர் ஐன் ரிண்டோல் தெரிவித்திருக்கிறார்.

இன்றைய நிலையில், 130 குழந்தைகள் உட்பட 900 அகதிகள் நவுரு தடுப்பு முகாமில் உள்ளனர்.

அமெரிக்காவின் முன்னாள் அதிபர் பாரக் ஒபாமா ஆட்சியின் இறுதிக்காலக்கட்டத்தில் கையெழுத்தான அமெரிக்கா- ஆஸ்திரேலியா அகதிகள் ஒப்பந்தம், ஆஸ்திரேலியாவின் கடல் கடந்த தடுப்பு முகாம்களில் உள்ள 1,250 அகதிகளை அமெரிக்காவில் நிரந்தரமாக குடியமர்த்தவும், அமெரிக்காவின் தடுப்பில் உள்ள மத்திய அமெரிக்க அகதிகளை ஆஸ்திரேலியாவில் குடியமர்த்தவும் வழிவகைச் செய்கின்றது. இது ஒரு முறை மட்டுமே நடைமுறைப்படுத்தப்படும் ஒப்பந்தமாக கையெழுத்தானது.

2013 ஆம் ஆண்டு முதல் கடுமையான எல்லைப் பாதுகாப்புக் கொள்கைகளை நடைமுறைப்படுத்தி வரும் ஆஸ்திரேலிய அரசு, படகு வழியே ஆஸ்திரேலியாவில் தஞ்சமடைய முயற்சிப்பவர்களை முழுமையாக நிராகரித்து வருகின்றது.


Leave a Reply

Your email address will not be published. Required fields are marked *