Search
Thursday 19 July 2018
  • :
  • :
தலைப்பு செய்திகள்

மன்னாரில் தொடரும் மனித எலும்புக்கூடுகள் அகழ்வுப் பணிகள்

மன்னாரில் தொடரும் மனித எலும்புக்கூடுகள் அகழ்வுப் பணிகள்

மன்னார் நகர நுழைவாயிலில் உள்ள விற்பனை நிலைய வளாகத்தில் கண்டுபிடிக்கப்பட்ட மனித எலும்புக்கூடுகள் அகழ்வுப் பணி இன்று வியாழக்கிழமை 32 ஆவது நாளாகவும் முன்னெடுக்கப்பட்டு வருகின்றது.

இந்நிலையில் இதுவரை மேற்கொள்ளப்பட்ட அகழ்வின்போது பகுதியளவு மற்றும் முழு மனித எச்சங்களை அப்புறப்படுத்தும் பணிகள் ஓரளவிற்கு முடிவடைந்துள்ள நிலையில் மீண்டும் அகழ்வுப்பணி ஆரம்பிக்கப்பட்டுள்ளது.

இதனிடையே அகழ்வின்போது அப்புறப்படுத்தப்படும் மனித எலும்புக்கூடுகள் சுத்தப்படுத்தப்பட்டு இலக்கமிட்டு சட்ட ஏற்பாடுகளுக்கு அமைய பொதியிடப்படுவதோடு நீதிமன்றப் பாதுகாப்பில் வைக்கப்பட்டுவருகின்றமையும் குறிப்பிடத்தக்கது.

மன்னார் நீதிவான் ரி.ஜே.பிராபாகரனின் மேற்பார்வையில், விசேட சட்ட வைத்திய நிபுணர் டபிள்யூ.ஆர்.ஏ.எஸ்.ராஜபக்ஷ தலைமையில் இந்த அகழ்வுப் பணி இடம்பெற்று வருகின்றது. களனி பல்கலைக்கழகத்தின் பேராசிரியர் ராஜ் சோமதேவா மற்றும் அவரின் குழுவினரும் இணைந்து அகழ்வுப் பணியை மேற்கொண்டு வருகின்றனர்.(15)


Leave a Reply

Your email address will not be published. Required fields are marked *