Search
Sunday 20 September 2020
  • :
  • :
தலைப்பு செய்திகள்

மலையகத்தில் ஆர்வத்துடன் மக்கள் வாக்களிப்பு

மலையகத்தில் ஆர்வத்துடன் மக்கள் வாக்களிப்பு

இலங்கையில் பொதுதேர்தலுக்கான வாக்களிப்பு இன்று புதன்கிழமைகாலை 7 மணிக்கு ஆரம்பமாகி தற்போது இடம்பெற்று வருகின்றது.நுவரெலியா மாவட்டத்தில் 498 வாக்களிப்பு நிலையங்களில் வாக்காளர்கள் வாக்களிக்கவுள்ளனர்.மேலும் 95 வாக்கு எண்ணும் நிலையங்கள் அமைக்கப்பட்டுள்ளன. வாக்களிப்பு நிலையங்களில் 4000 பேர் கடமையில் ஈடுப்பட்டுள்ளதோடு, பாதுகாப்புக்காக பாதுகாப்பு அதிகாரிகள் மற்றும் பொலிஸாரும் 2000 பேர் கடமையில் ஈடுப்பட்டுள்ளனர்.

இதேவேளை நுவரெலியா மாவட்டத்தை பொருத்தமட்டில் 5,77,717 பேர் வாக்களிக்க தகுதி பெற்றுள்ளனர்.அந்தவகையில் நுவரெலியா மஸ்கெலியா தேர்தல் தொகுதியில் 3,30,761 வாக்காளர்கள் வாக்களிக்க தகுதி பெற்றுள்ளனர்.கொத்மலை தேர்தல் தொகுதியில் 84,175 வாக்காளர்கள் வாக்களிக்க தகுதி பெற்றுள்ளனர். 87,503 வாக்காளர்கள் வலப்பனை தேர்தல் தொகுதியில் வாக்களிக்க தகுதி பெற்றுள்ளதோடு ஹங்குராங்கெத்த தேர்தல் தொகுதியில் 75,278 வாக்காளர்கள் வாக்களிக்க தகுதி பெற்றுள்ளனர்.vlcsnap-2020-08-05-08h36m50s425

அத்துடன் மலையகத்தை பொருத்தவரை பெருந்தோட்ட மக்கள் உட்பட அனைவரும் வாக்களிப்பு நிலையங்களுக்கு சென்று தங்களுடைய வாக்குகளை பயன்படுத்துவதை காணக்கூடியதாக இருக்கின்றது.அதேவேளை, பாதுகாப்பு பணியில் பொலிஸார் ஈடுப்பட்டுள்ளதுடன், உள்நாட்டு வெளிநாட்டு சர்வதேச கண்காணிப்பாளர்களும் அவதானித்து செலுத்தி வருகின்றனர்.(15)


Leave a Reply

Your email address will not be published. Required fields are marked *