தலைப்பு செய்திகள்

யாழில் நன்னீர் குளத்தில் மருத்துவ கழிவுகள் சுற்று புறசூழல் மாசடையும் அபாயம்

யாழில்  நன்னீர் குளத்தில் மருத்துவ கழிவுகள் சுற்று புறசூழல் மாசடையும் அபாயம்

யாழில் தற்போது ஏற்பட்டுள்ள டெங்கு தாக்கம் காரணமாக டெங்கு நுளம்பு ஒழிப்பு வேலைத்திட்டங்கள் முன்னெடுக்கப்பட்டு வருகின்றன. இந்நிலையில் யாழ் நரிக்குண்டு குளத்தை அண்டியுள்ள பகுதியை சேர்ந்தவர்கள், தன்னார்வாளர்கள் , இளைஞர்கள் ஆகியோர் இணைந்து நேற்றைய தினம் ஞாயிற்றுக்கிழமை குளத்தினை சுற்றி வீசப்பட்ட கழிவு பொருட்கள் , சுற்றியுள்ள பற்றைகள் என்பவற்றை அப்புறப்படுத்தினார்கள். இதன் போது மருத்துவ கழிவுகள் அடங்கிய பைகள் அவ்விடத்தில் இருந்து மீட்கப்பட்டுள்ளன. அதனுள் பாவித்த ஊசிகள் (சிரிஞ்) மருந்து போத்தல்கள் என்பன காணப்பட்டுள்ளன. அவை அருகில் உள்ள தனியார் வைத்தியசாலை கழிவுகளாக இருக்கலாம் என சந்தேகிக்கப்படுகின்றது.

குறித்த நன்னீர் குளத்தை அண்டிய பகுதிகளில் மருத்துவ கழிவுகள் , பாவித்த கழிவு பொருட்கள் உள்ளிட்ட கழிவு பொருட்கள் என்பவற்றை வீசி வருவதனால் குளத்தின் நீர் மாசடைகின்றது. அதனால் நிலத்தடி நீர் மாசடைந்து அருகில் உள்ள குடியிருப்பாளர்களின் வீட்டு கிணற்று நீரும் மாசடையும் ஆபத்துள்ளதாக தெரிவிக்கப்படுகிறது.3

இந்நிலையில் யாழில் நன்னீர் குளம் ஒன்றினுள் மருத்துவ கழிவுகள் வீசப்பட்டுள்ள நிலையில் அது தொடர்பில் உரிய அதிகாரிகள் நடவடிக்கை எடுக்க வேண்டும் என அப்பகுதி மக்கள் கோரியுள்ளனர். குறித்த பகுதியில் குப்பைகளை , கழிவு பொருட்களை வீச வேண்டாம் என அறிவுறுத்தல்கள் வழங்கப்பட்டு வந்த நிலையிலும் அதனையும் மீறி கழிவு பொருட்கள் வீசப்படுவதால் தற்போது அப்பகுதியில் CCTV பொருத்தப்பட்டு உள்ளது. (15)1


Leave a Reply

Your email address will not be published. Required fields are marked *