Search
Thursday 2 July 2020
  • :
  • :
தலைப்பு செய்திகள்

யாழ்ப்பாணத்தின் பல பகுதிகளிலும் வியாபார நிலையங்களில் அலைமோதும் மக்கள் கூட்டம்

யாழ்ப்பாணத்தின் பல பகுதிகளிலும் வியாபார நிலையங்களில் அலைமோதும் மக்கள் கூட்டம்

கொரோனா வைரஸ் பரவுவதன் வேகத்தைக் கட்டுப்படுத்துவதற்காக அரசாங்கம் நாடு முழுவதும் ஊரடங்குச் சட்டத்தினை அமுல் படுத்தியிருந்தது.எனினும் மக்களின் தேவைகளை கருத்தில் கொண்டு இன்று காலை ஊரடங்குச் சட்டம் தற்காலிகமாக தளர்த்தப்பட்டது.யாழ்ப்பாணத்திலும் கொரோனா தொற்றாளர் ஒருவர் இனம் காணப்பட்டுள்ள நிலையில், நேற்று அரசாங்கம் விசேட அறிவித்தலை விடுத்திருந்தது. இன்று காலை ஆறு மணியிலிருந்து மதியம் பன்னிரெண்டு மணி வரை ஊரடங்குச் சட்டம் நீக்கப்படும் என்றும், மீண்டும் பிற்பகல் 2மணியிலிருந்து மீண்டும் ஊரடங்குச் சட்டம் அமுல்படுத்தப்படும் என்றும் அறிவிக்கப்பட்டது.

இந்நிலையில் தொடர்ச்சியாக அமுலில் இருந்த ஊரடங்குச் சட்டம் தற்காலிகமாக இன்று காலை நீக்கப்பட்டதனையடுத்து யாழ். நகர் மற்றும் யாழ்ப்பாணத்தின் பல பகுதிகளிலும் பொது மக்கள் கூட்டம் வியாபார நிலையங்களில் அலைமோதத் தொடங்கியிருக்கிறது.இதனால் பொது மக்கள் பொருட்களை கொள்வனவு செய்வதில் முண்டியத்துக் கொண்டனர்.இதேவேளை இன்று மதியம் 2 மணிக்கு அமுல்படுத்தப்படும் ஊரடங்குச் சட்டமானது எதிர்வரும் வெள்ளிக்கிழமை காலை 6 மணிக்கு நீக்கப்பட்டு மீண்டும் அன்று மதியம் 2 மணிக்கு அமுல்படுத்தப்படவுள்ளமை குறிப்பிடத்தக்கது.(15)1 3 4 5


Leave a Reply

Your email address will not be published. Required fields are marked *