Search
Sunday 15 December 2019
  • :
  • :
தலைப்பு செய்திகள்

லண்டனில் முன்னாள் போராளிகள் சிறப்பாக நடத்திய தேசிய தலைவரின் பிறந்தநாள் நிகழ்வு

லண்டனில் முன்னாள் போராளிகள் சிறப்பாக நடத்திய தேசிய தலைவரின் பிறந்தநாள் நிகழ்வு

முன்னாள்போராளிகளால் தமிழீழ விடுதலைப் புலிகளின் தலைவர் மேதகு வேலுப்பிள்ளை பிரபாகரனின் 65வது அகவை நாள்நிகழ்வு மேற்கு லண்டனிலுள்ள பெருவில் ( Perivale) பகுதியில் 26.11.2019 கொண்டாடப்பட்டது.

தமிழீழவிடுதலைப்புலிகளின் முன்னாள் மருத்துவப் போராளி உயர்ச்சி தலைமையில் நடைபெற்ற இந்நிகழ்வில்தமிழீழ தேசிய கொடியினை முன்னாள்கடற்புலி போராளி சுடரொளி ஏற்றிவைத்து நிகழ்வினை ஆரம்பித்து வைத்தார்.

இந்நிகழ்வில் முன்னாள்போராளிகள், ஊடகவியலாளர்கள், பொதுமக்கள் உட்பட நூற்றுக்கு மேற்பட்டோர் கலந்து கொண்டனர். தேசியத்தலைவர் பிரபாகரனுக்கு மிகவும் பிடித்த உணவான கோழிப்புக்கை இந்த நிகழ்வில் வழங்கப்பட்டது .

தலைவர் பிரபாகரன் பற்றி தனது நினைவுகளை மக்களுடன்பகிர்ந்து கொண்ட முன்னாள் கடற்புலி போராளி சுடரொளி தலைவர் அவர்களின் மனிதநேய பண்புகள் பற்றி உரையாற்றியிருந்தார். 1996ல்விடுதலைப்புலிகள் முல்லைத்தீவுஇராணுவமுகாம் மீது நடாத்திய வெற்றித்தாக்குதலான ஓயாதஅலை- 1 நடவடிக்கையில் உயிர்தப்பிய சிங்கள இராணுவ சிப்பாய் ஒருவர் பலநாட்களாகமுல்லைத்தீவு இராணுவமுகாமிருந்த பகுதியில் மறைந்துவாழ்ந்து வந்த நிலையில் விடுதலைப் புலிகளால் கைது செய்யப்பட்டிருந்தார். பல நாட்களாக போதியளவுஉணவு கிடைக்காமையினால் அவரது உடல் நிலை மோசமடைந்திருந்தது. அவரதுகைது பற்றி விடுதலைப் புலிகளின் தலமைப்பீடத்திற்கு அறிவித்த பொழுது தலைவர் பிரபாகரன் அவர்கள் அந்த இராணுவ சிப்பாய்க்கு தேவையான மருத்துவ உதவியினை செய்து அவரை இலங்கை செஞ்சிலுவைசங்கத்தினூடாக பாதுகாப்பாக இலங்கை அரசிடம் கையளிக்கும் படி உத்தரவிட்டிருந்தாத்தாக அவர் குறிப்பிட்டார்.

மேலும்வேறொரு சந்தர்ப்பத்தில் கடற்புலிகளின் சர்வதேசக் கப்பல் ஓன்றுக்கு ஆழ்கடலில் வைத்து எரிபொருள்நிரப்ப வந்த வேற்றுநாட்டு படகு ஒன்று தற்செயலாக தீப்பிடித்தபொழுது தீக்காயங்களுக்குள்ளான அதிலிருந்த படகோட்டிகளை கப்பலிலிருந்த கடற்புலிகள் காப்பாற்றியிருந்தனர். அவர்களைகப்பலுக்கு கொண்டுவந்து முதலுதவியளித்த பின்னர் அவர்கள் தொடர்பில் எடுக்க வேண்டிய மேலதிக நடவடிக்கைகள் பற்றி முல்லைத்தீவு கடற்கரைலிருந்த விடுதலைப் புலிகளின் கட்டளை மையத்துடன் தொடர்புகொண்ட பொழுது கட்டளை மையத்தினர் தலைமைபீடத்துடன்தொடர்பினை ஏற்படுத்தி மேலதிக நடவடிக்ககைள் தொடர்பில் வினவிய பொழுது தலைவர் பிரபாகரன் அவர்கள் அப் படகோட்டிகளை அவர்களுடைய நாட்டு மருத்துவமனையில் சேர்க்கும்படி உத்தரவிட்டிருந்தார். இவ்வாறு உத்தரவிட்டிருந்த தலைவருக்கு ஆழ்கடலில் கடற்புலிகளின் கப்பல் தரித்து நிற்பது மிகவும் ஆபத்தானது எனத் தெரிந்திருந்தும் அப்படகோட்டிகளை அந்நாட்டு மருத்துவமனையில் சேர்க்க நடவடிக்கையெடுத்ததானது அப்படகோட்டிகளின் குடும்பத்தினர் அவர்களின் நலன்பற்றி கரிசனையுடன் இருப்பார்கள் என்பதற்காகவே என குறிப்பிட்டிருந்தார். இந்நிகழ்வுக்கு நேரடிச்சாட்சியாகவிருந்தமுன்னாள் போராளிகள் இன்னமும் இருப்பதாகவும் சுடரொளி கூறினார்.

அத்துடன்தலைவர் அவர்கள் போராளிகளை சந்திக்க வருகின்ற பொழுது தனக்கு மிகவும் பிடித்தமான கோழிப்புக்கையினை போராளிகளுக்கு சமைத்து அளிக்கும்படி சமையல் பிரிவுக்கு கூறுவதனாலேயே அவருடைய அகவை நாளில் முன்னாள்போராளிகள் சிலர் இணைந்து கோழிப்புக்கையினை சமைத்து வழங்கியதாக குறிப்பிட்டிருந்தார்.

இந்த நிகழ்வில் தேசியதலைவர் பற்றிய நினைவுப் பகிர்வுகள் , தாயக எழுச்சிப் பாடல்கள் மற்றும் கவிதை ஆகியவை இடம்பெற்றன. ( அங்கயற்கண்ணி).

Thalaivar BD (1) Thalaivar BD (3) Thalaivar BD (4)


Leave a Reply

Your email address will not be published. Required fields are marked *