Search
Saturday 24 August 2019
  • :
  • :
தலைப்பு செய்திகள்

வவுனியா பஸ் நிலைய சோதனை சாவடியால் பயணிகள் பெரும் துன்பங்களை அனுபவிகின்றனர்-மஸ்தான்

வவுனியா பஸ் நிலைய சோதனை சாவடியால் பயணிகள் பெரும் துன்பங்களை அனுபவிகின்றனர்-மஸ்தான்

இன்று காலை பாராளுமன்ற உறுப்பினர் மஸ்தானின் அலுவலகத்தில் இடம்பெற்ற ஊடகவியலாளர் சந்திப்பில் வவுனியா புதிய பஸ் நிலையத்தில் அமைக்கப்பட்டுள்ள படையினரின் சோதனைச்சாவடியால் தினமும் பயணிகள் பெரும் துன்பங்களை அனுபவித்து வருகின்றனர். எங்கேயோ குண்டு வெடித்ததற்கு இங்கு சோதனைச்சாவடிகளை அமைத்துள்ளனர். தற்போதுள்ள நிலைமைகளில் இச் சோதனைச்சாவடி பஸ் நிலையப்பகுதியில் தேவையற்றதே இதனை உடனடியாக அகற்றுமாறு கோரிக்கை விடுக்கின்றேன் என தெரிவித்துள்ளார்.

இதனைப்பேசும்போது நாங்கள் பாதுகாப்புத்தரப்பினரை குறைகூறுவதாக அமைந்துவிடக்கூடாது. தற்போது நிலைமைகள் சீராகி வருகின்றது. எந்தப்பகுதிகளிலும் இவ்வாறான பாரிய சோதனைகள் காணப்படவில்லை இதனால் மக்களுக்கு பாரியளவில் அசௌகரியங்கள் ஏற்பட்டுள்ளன.

இச் சோதனை சாவடியினை புதிய பஸ் நிலையப்பகுதியிலிருந்து உடனடியாக அகற்றி பொதுமக்களுக்கு இடையூறுகள் இன்றி தமது பயணங்களை மேற்கொள்வதற்கு நடவடிக்கை மேற்கொள்ளுமாறு கோரிக்கைவிடுக்கின்றேன் என்று மேலும் தெரிவித்துள்ளார்.

இவ்விடயம் தொடர்பில் பாதுகாப்புத்தரப்பினருக்கு நாங்கள் கடுமையான அழுத்தம் பிரயோகிக்க முடியாது. ஆனால் தற்போது ஆட்சியாளர்களாக இருக்கின்றவர்கள் இது குறித்து பேசமுடியும். இவ்விடயங்களில் சிவில் சமூக அமைப்புக்களும் இணைந்து ஒரு முயற்சி மேற்கொள்ளவேண்டும். எங்கேயோ குண்டுகள் வெடித்ததற்காக இங்கே பாதுகாப்பு ஏற்பாடுகளை கடுமையாக்கி பொதுமக்களுக்கு இடையூறுகளையும் அதிகளவில் ஏற்படுத்தியுள்ளார்கள் என மேலும் தெரிவித்தார்.(15)


Leave a Reply

Your email address will not be published. Required fields are marked *