செய்திகள்

“டயஸ்பேரா” என்பதனை பிழையான அர்த்தத்தில் விளங்கிக்கொள்ள வேண்டாம் : மங்கள

“டயஸ்போரா” என்பதனை பிழையான அர்த்தத்தில் சிலர் விளங்கிக்கொள்வதாக தெரிவித்துள்ள வெளிவிவகார அமைச்சர் மங்கள சமரவீர அந்த பிழைகளை திருத்திக்கொண்டு தங்களின் புதிய பயணத்துடன் இணைத்துக் கொள்ளுமாறு சகலரையும் கேட்டுக்கொள்வதாக தெரிவித்துள்ளார். நேற்று கொழும்பில் நடைபெற்ற நிகழ்வொன்றிலேயே அவர் இவ்வாறு தெரிவித்துள்ளார்.
 புலம்பெயர் அமைப்புக்களின் மாநாடு வேறு எவரதும் ஆலோசனை அல்ல. அந்த கருத்தை நானே முன்வைத்தேன். உலகின் பல நாடுகளில் உயர் பதவிகளை வகிக்கும் பலர் உள்ளனர். டயஸ்போரா என்பது அதில் சிங்களவர்கள் இருக்கலாம், தமிழ் மக்கள் இருக்கலாம், முஸ்லீம் மக்கள் இருக்கலாம். பறங்கியர் இருக்கலாம்.
தமது தாய் நாட்டில் இருந்து வெளியேறிச் சென்று வௌிநாடுகளில் வசிக்கின்றனர். அவர்களால் அந்த நாடுகளில் உயர் பதவிகளை வகிக்க முடிந்துள்ளது. குறிப்பாக நாஸா போன்ற நிறுவனங்களில் இலங்கையைச் சேர்ந்த பத்துப் பேர் உள்ளதாக எனக்கு அறியக்கிடைத்துள்ளது. எனவே அவர்கள் அனைவரையும் எமது புதிய பயணத்துடன் இணைத்துக் கொள்ள வேண்டும் என அவர் தெரிவித்துள்ளார்.