செய்திகள்

தனுஷ் என்னை மாற்றிவிட்டார் : எமி

தமிழில் மதராசப்பட்டினம் படத்தில் ஆர்யாவின் ஜோடியாக நடித்து அறிமுகமான எமி ஜாக்சன், சுமார் 5 வருடங்களில் மூன்று படங்கள் மட்டுமே நடித்திருக்கிறார். இந்த தாமதத்தை ஈடு செய்யும் விதமாக தற்போது மூன்று படங்களில் ஒரே சமயத்தில் நடித்துக் கொண்டிருக்கிறார். உதயநிதியுடன் கெத்து, தனுசுடன் வேலை இல்லாப் பட்டதாரி, விஜயின் அடுத்த படம் என்று பரபரப்பாக நடித்துக் கொண்டிருக்கும் எமி, தனுஷ் தன்னை மாற்றி விட்டதாகக் கூறி இருக்கிறார்.

வேலை இல்லாப் பட்டதாரி படத்தில் மேக்கப் எதுவும் வேண்டாம், ஒரு பெண்ணாக இயல்பாக இருங்கள் என்று கூறியிருக்கிறார். லண்டனில் பிறந்து வளர்ந்த எமி இதனைக் கேட்பதாகத் தெரியவில்லை.

வேறு வழியில்லாமல் தனுஷ் ஒரு தமிழ்ப் பெண் எப்படி இருக்க வேண்டும் என்று எமியைக் கூப்பிட்டு வகுப்பெடுத்திருக்கிறார், அது மட்டுமின்றி படிப்பிடிப்பின் போது உடனுக்குடன் வசனங்களிக் கொடுத்து நடிக்கச் சொல்லியிருக்கிறார். இதனால் எனது நடிப்புத் திறமை நன்றாக வளர்கிறது, தனுஷ் என்னைத் தமிழ்ப் பெண்ணாகவே மாற்றி விட்டார் என்று போகுமிடமெல்லாம் தனுஷ் புகழைப் பாடி வருகிறாராம் எமி.