செய்திகள்

தோஷம் கழிக்க வந்த பெண்ணின் மர்ம உறுப்புக்குள் தேசிக்காய்களை செலுத்திவிட்டு பூசாரி தப்பியோட்டம்

அடிக்கடி வீட்டுக்கு நாகப்பாம்பொன்று வருவதாக  தெரிவித்த பெண்ணொருவருக்கு தோஷம் கழிப்பதாக தெரிவித்து அதற்காக 20,000ரூபா பணத்தை வாங்கிக்கொண்டு தோஷம் கழிக்கும் போர்வையில் பெண்ணை தனியான அறையொன்றுக்குள் கொண்டு சென்று அவரை மயக்கமடைய செய்து பெண்ணின் இரகசிய பிரதேசத்திற்குள் தேசிகாய்களை  செலுத்திய போலி பூசாரியொருவர் அங்கிருந்து தப்பிச் சென்ற சம்பவமொன்று திம்புலாப்பிட்டிய பகுதியில் இடம்பெற்றுள்ளது.
இந்நிலையில் கடும் நோய்வாய்யப்பட்ட நிலையில் குறித்த பெண் நாவலப்பிட்டிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.
47 வயதுடைய குறித்த பெண் வீட்டுக்கு வரும் பாம்பு தொடர்பாக அந்த பூசாரியை சந்தித்துள்ள நிலையில் அதற்கு பெண் மீது பீடித்துள்ள பாம்பு தோஷமே இதற்கு காரணமென தெரிவித்து அந்த பெண்ணுக்கு தோஷம் கழிக்கும் போர்வையில் தனி அறையில் பெண்ணை நிர்வாணமாக்கி மயக்க நிலைக்கு கொண்டு சென்று அவர் இவ்வாறு நடந்துக்கொண்டுள்ளதாக தெரிவிக்கப்படுகின்றது.
பின்னர் பெண் மயக்க நிலையிலிருந்து எழும்பாத நிலையில் பெண் எழுந்தவுடன் எல்லாம் சரியாகிவிடுமென வீட்டாருக்கு தெரிவித்துவிட்டு தனது பூசைக்கான 20,000ரூபா பணத்தை வாங்கிக்கொண்டு அவர் அங்கிருந்து தப்பிச் சென்றுள்ளார்.
இதன்பின்னர் அந்த பெண்ணின் மர்ம உறுப்புக்குள் இரண்டு தேசிக்காய்கள் செலுத்தப்பட்டுள்ளமையை அறிந்த வீட்டார் உடனடியாக பெண்ணை வைத்தியசாலைக்கு கொண்டு சென்றுள்ளனர்.
இதேவேளை குறித்த பூசாரி பல இடங்களில் இவ்வாறாக நடந்துக்கொண்டவர் என தெரிய வந்துள்ளதாக தெரிவிக்கப்படுகின்றது.
n10