செய்திகள்

பொதுத் தேர்தலில் சந்திரிகா போட்டியிடுவார்: மகிந்தவை ஓரங்கட்ட புதிய உபாயம்!

பொதுத்­தேர்­தலில் ஸ்ரீலங்கா சுதந்­தி­ரக்­கட்­சியின் பிர­தமர் வேட்­பா­ள­ராக முன்னாள் ஜனா­தி­பதி சந்­தி­ரிகா பண்­டா­ர­நா­யக்க குமா­ர­துங்க போட்­டி­யி­ட­வுள்­ள­தாக அந்­தக்­கட்சி வட்­டா­ரங்­க­ளி­லி­ருந்து தெரிய வரு­கி­றது.

முன்னாள் ஜனா­தி­பதி மஹிந்த ராஜ­பக்­ஷவை சுதந்­திர கட்­சி­யி­லி­ருந்து ஓரம் கட்டும் வித­மா­கவே கட்­சிக்குள் இத்­தீர்­மானம் எடுக்­கப்­பட்­டுள்­ள­தா­கவும் அறிய வரு­கி­றது. தேர்தல் அரசியலில் தான் இறங்கப்போவதில்லை என சந்திரிகா ஏற்கனவே தெரிவித்திருந்த போதிலும், மகிந்தவை ஓரங்கட்டுவதற்காக அவர் போட்டியிட வேண்டும் என கட்சிப் பிரமுகர்கள் வலியுறுத்திவருவதாகத் தெரிவிக்கப்படுகின்றது.

முன்னாள் ஜனா­தி­பதி மஹிந்­தவை ஐக்­கிய மக்கள் சுதந்­திர முன்­ன­ணியின் சுதந்­தி­ரக்­கட்­சியின் பிர­தமர் வேட்­பா­ள­ராக கள­மி­றக்­கு­வ­தற்கு வாசு, தினேஷ், விமல் மற்றும் கம்­மன்­பில, பிர­சன்ன ரண­துங்க உட்­பட குழு­வினர் கடந்த காலங்­களில் முயற்­சி­களை மேற்­கொண்டு வந்­த­தோடு, மஹிந்­த­விற்கு ஆத­ர­வாக பொது கூட்­டங்­க­ளையும் நடத்­தி­யோடு மஹிந்­தவும் ஜனா­தி­பதி தேர்­தலின் தோல்­விக்கு பின்னர் ஒதுங்­கி­யி­ருக்­காது விகா­ரை­களில் நடை­பெறும் விழாக்­க­ளிலும் மற்றும் மத அனுஷ்­டா­னங்­க­ளிலும் கலந்­து­கொண்­ட­தோடு அவ்­வப்­போது ஊட­கங்­க­ளுக்கு கருத்­துக்­க­ளையும் வெளி­யிட்டார்.

கொழும்பு நாரன்­ஹேன்­பிட்டி அப­ய­ராம விகா­ரையில் மஹிந்­த­வுக்கு என தனி­யான அலு­வ­ல­கமும் வழங்­கப்­பட்­டுள்­ளது. மறு­புறம் ஏ.எஸ்.பி. லிய­ன­கே­வுக்கு சொந்­த­மான பீகொக் மாளி­கை­யையும் மஹிந்த தங்­கு­வ­தற்கு வழங்­கப்­பட்­டுள்­ள­தோடு அங்கு தற்­போது யாகங்­களும் நடை­பெற்­றுள்­ளன.

இவ்­வாறு மீள அர­சியல் பிர­வே­ச­வத்­திற்­கான அனைத்து முயற்­சி­க­ளையும் மேற்­கொண்டு வரும் சூழ் நிலை­யி­லேயே, நிறை­வேற்று அதி­கார ஜனா­தி­ப­தியின் அதி­கா­ரங்­களை குறைக்கும் 19 வது திருத்­தத்தை ஜனா­தி­பதி மைத்­தி­ரி­பால சிறி­சேன தலை­மை­யி­லான பிர­தமர் ரணில் விக்­கி­ர­ம­சிங்­கவின் அரசு முன்­வைத்­தது.

இதற்கு ஆத­ரவு வழங்­கு­வது தொடர்­பாக அரசின் பங்­காளிக் கட்­சி­யான ஹெல உறு­மய மற்றும் சுதந்­திர கட்­சியின் சிலரும், ஐக்­கிய மக்கள் சுதந்­திர முன்­ன­ணியின் சிலரும் முரண்­பா­டுகள் தலை­தூக்­கின.

தமிழ் தேசிய கூட்­ட­மைப்பும்,ஜே.வி.பி.யும் இதற்கு ஆத­ரவை வெளி­யிட்­டன. இந்­நி­லையில் ஜனா­தி­பதி மைத்­தி­ரி­பால சிறி­சே­னவு 19 க்கு ஆத­ரவு வழங்கா விட்டால் பாரா­ளு­மன்­றத்தை கலைப்­ப­தாக அறி­வித்தார்.

இதன் பின்னர் கல­வ­ர­ம­டைந்த சுதந்­திர கட்­சி­யினர் ஜனா­தி­ப­தியை சந்­தித்து 19 க்கு ஆத­ரவு தெரி­விக்­கவும் அத்­தோடு 20 ஆவது திருத்­த­மாக தேர்தல் முறை­மையில் மாற்­றத்­தையும் கொண்டு வந்து நிறை­வேற்ற இணக்கம் தெரி­வித்­தனர். ஜாதிக ஹெல உறு­ம­யவின் பொது செய­லா­ளரும், அமைச்­ச­ரு­மான சம்­பிக்­கவும் திருத்­தங்­க­ளு­ட­னான ஆத­ர­வுக்கு இணக்கம் தெரி­வித்­துள்ளார்.

இவ்­வா­றா­னதோர் நிலை­யி­லேயே மஹிந்­தவை சுதந்­திர கட்­சி­யி­லி­ருந்து ஓரம் கட்டும் நட­வ­டிக்­கைகள் முடுக்கி விடப்­பட்­டுள்­ள­தோடு பொது தேர்­தலில் சுதந்­தி­ர­கட்­சியின் பிர­தமர் வேட்­பா­ள­ராக சந்­தி­ரிகா போட்­டி­யிட தீர்­மா­னிக்­கப்­பட்­டுள்­ள­து.

இவ்­வா­றா­ன­தொரு சூழ்­நி­லையில் புதிய அணி­யொன்றை உரு­வாக்கி பொதுத்­தேர்­தலில் கள­மி­றங்க மஹிந்த திட்­ட­மிட்­டுள்­ள­தா­கவும் அத்தோடு பீகொக் மாளிகையை மஹிந்தவுக்கு வழங்கும் ஏ.எஸ்.பி. லியனகே தனது கட்சியான இலங்கை தொழிலாளர் கட்சியை மஹிந்தவுக்கு வழங்க தயாராக இருப்பதாகவும் தெரிவித்துள்ளனர்.

எதிர்வரும் 20ஆம், 21ஆம் திகதிகளில் 19 ஆவது 20 ஆவது திருத்தங்கள் பாராளுமன்றத்தில் நிறைவேற்றப்பட்ட பின்னர் இலங்கையின் அரசியல் களம் சூடு பிடிக்க ஆரம்பித்து விடுவதோடு தேர்தல் திருவிழாவும் ஆரம்பமாகி விடும்.