செய்திகள்

மக்களுக்குக் கொடுத்த வாக்குறுதிகள் மீறப்படுகின்றன: சோபித தேரர் சீற்றம்

மக்­க­ளுக்குத் கொடுத்த வாக்­கு­று­தி­களை மீறும் வகையில் தேசிய அரசின் செயற்­பா­டுகள் அமைந்துவரு­கின்­றன. அர­சாங்­கமும் சர்­வா­தி­காரப்பாதை­யையே தேர்ந்­தெ­டுத்­துள்­ளது என சமூக நீதிக்­கான மக்கள் இயக்­கத் தின் இணைப்­பா­ளரும் கோட்டே நாகவிகா­ரையின் விகா­ரா­தி­ப­தி­யு­மான மாது­லு­வாவே சோபித தேரர் தெரி­வித்தார்.

தேசிய அர­சிலும் நிறை­வேற்று அதி­காரம் நீக்­கப்­ப­டா­விடின் மீண்டும் ஆட்சி மாற்­றத்­தினை ஏற்­ப­டுத்­தவும் தயங்­க­மாட்டோம் எனவும் அவர் வலி­யு­றுத்­தினார். தேசிய அர­சாங்­கத்தின் செயற்­பா­டுகள் விமர்­சிக்­கப்­ப­டு­கின்ற நிலையில் அது தொட ர்பில் வின­வி­ய­போதே சோபித தேரர் மேற்­கண்­ட­வாறு தெரி­வித்தார். அவர் மேலும் குறிப்­பிட்­ட­தா­வது:

“கடந்த பத்து வரு­டங்­களில் நாட்டில் இடம்­பெற்ற மோச­மான ஆட்­சிக்கு எதி­ராக நாம் அனைத்துக் கட்­சி­க­ளையும் ஒன்­றி­ணைத்து போராடி அதில் வெற்றிபெற்­றுள்ளோம். இவ் வெற்றி அவ­சி­ய­மா­ன­தொரு தரு­ணத்தில் மக்­க­ளுக்கு கிடைத்த ஜன­நா­யக வெற்­றி­யாகும். எனவே ஜனா­தி­பதித் தேர்­தலின் பின்னர் ஐக்­கிய தேசியக் கட்சி ஸ்ரீலங்கா சுதந்­திரக் கட்சி ஆகிய இரண்டு பிர­தான கட்­சி­களும் ஒன்­றி­ணைந்து மாற்­றத்­திற்­கான அடித்­த­ளத்­தினை ஏற்­ப­டுத்தும் என மக்கள் எதிர்­பார்க்­கின்­றனர். ஆனால் மக்­களின் எதிர்­பார்ப்­புக்கு மாறாக இன்று தேசிய அர­சாங்­கத் தின் செயற்­பா­டுகள் அமைந்­துள்­ளன.

மைத்­தி­ரி­பால சிறி­சேன இவ் ஜனா­தி­ப­திக்­கான நிறை­வேற்று அதி­கா­ரங்­களை நீக்­கு­வ­தாக வாக்குக் கொடுத்தே ஜனா­தி­ப­தி­யாக தெரிவுசெய்­யப்­பட்டார். ஆனால், இன்று 19 ஆவது திருத்தச்சட்டம் நீக்­கப்­ப­டு­வதே இவர்­களின் இழுத்­த­டிப்­புக்கு உள்­ளாக்­கப்­பட்­டுள்­ளது. ஆகவே, இன்று புதி­தாக அமைக்­கப்­பட்ட தேசிய அர­சாங்­கமும் சர்­வா­தி­கா­ரத்தின் பாதை­யி­னையே தெரிவு செய்து வரு­கின்­றது.

மேலும் நாம் மக்­களின் நல­னுக்­கா­கவே புதிய ஆட்­சி­யினை ஆரம்­பித்தோம். ஆனால் மக்கள் மீண்டும் அரசின் மீது அதி­ருப்­தி­ய­டைந்­துள்­ளனர். இவ்­வா­றான நிலை­மையில் நிறை­வேற்று ஜனா­தி­பதி முறை­மை­யினை நீக்­கவும் ஜன­நா­யக ஆட்­சி­யினை பலப்­ப­டுத்­தவும் மீண்டும் ஆட்சிமாற்றத்தினை ஏற்படுத்தவேண்டுமாயின் அதற்கும் நாம் தயாராக உள்ளோம். அதனை அரசாங்கம் மனதில் வைத்துக்கொண்டு அடுத்த கட்ட நடவடிக்கையினை மேற்கொள்ள வேண்டும் எனவும் குறிப்பிட்டார்.