செய்திகள்

‘முஸ்லிம்களின் பறிபோன காணிகள் இதுவரை விடுவிக்கப்படவில்லை’: உதுமாலெப்பை

முஸ்லிம் சமூகத்தின் பறிபோன காணிகள் இந்த நல்லாட்சி அரசாங்கத்தில் விடுவிக்கப்படும் என்று எதிர்பார்க்கப்பட்ட போதிலும் அது இதுவரையில் மேற்கொள்ளப்படாமை ஏமாற்றம் அளிப்பதாக கிழக்கு மாகாண சபை உறுப்பினர் எம்.எஸ்.உதுமாலெப்பை  தெரிவித்தார்.

இது தொடர்பில்  அவர் விடுத்துள்ள அறிக்கையில் மேலும் தெரிவித்திருப்பதாவது  ;

எமது நாட்டில் நல்லாட்சி ஏற்படுவதற்கு பங்களிப்புச் செய்த தமிழ்ச் சமூகம் விழிப்புடன் செயற்பட்டு அரசியல்  பேரம் பேசும் நிலைமையைப் பயன்படுத்தி இழந்தவைகளைப் பெற்றுவருகின்றமை மகிழ்ச்சியாகவுள்ளது. தமிழ் அரசியல் தலைவர்களும் தமிழ்த் தேசியக் கூட்டமைப்பும் அர்ப்பணிப்புடன் செயற்பட்டு இழந்த காணிகளை படிப்படியாக பெற்றுக் கொடுக்கின்றமையை பாராட்டுகிறோம்.

நாட்டின் பாதுகாப்பு முக்கியமானது.அதற்காக தேவைக்கு அதிகமாக மக்களின் காணிகளை படையினர்  வைத்துக் கொள்ள முடியாது. பாதுகாப்புப் படையினருக்கு அவசியமாகத் தேவைப்படும் காணிகளை வழங்கிவிட்டு மீதிக் காணிகளை இங்குள்ள முஸ்லிம், தமிழ் , சிங்கள அரசாங்க உத்தியோகத்தர்களுக்கு வீடமைப்புத் திட்டம் அமைத்து வழங்குவதற்கான ஏற்பாட்டை கிழக்கு மாகாண சபையும் மாகாணக் காணி அமைச்சரும் மேற்கொள்ள வேண்டும்.

அம்பாறை மாவட்டத்தில் பொத்துவில் முஸ்லிம் மக்கள் பரம்பரையாக விவசாயம் செய்து வந்த 520 ஏக்கர் விவசாயக் காணி விடுவிக்கப்பட வேண்டும். அம்பாறை மாவட்ட அபிவிருத்திக் கூட்டங்களில் முஸ்லிம் சமூகத்தின் காணிகளை விடுவிப்பதாக தீர்மானங்கள் எடுக்கப்பட்ட போதும் இதுவரையில் அது நடைமுறைப்படுத்தப்படவில்லை.

n10