செய்திகள்

லாரன்ஸை நேரில் அழைத்து பாராட்டிய விஜய்

ராகவா லாரன்ஸ் தயாரித்து, இயக்கி, நாயகனாக நடித்துள்ள ‘காஞ்சனா 2’ திரைப்படம் கடந்த வெள்ளியன்று வெளியாகி வெற்றிகரமாக ஓடிக்கொண்டிருக்கிறது.

இப்படம் எதிர்பார்த்ததைப் போல நல்ல வசூல் செய்திருக்கிறது. தமிழகம் மட்டுமின்றி கேரளா, ஆந்திரா, மலேசியா உள்ளிட்ட இடங்களிலும் ‘காஞ்சனா 2’ படத்திற்கு நல்ல வசூல் கிடைத்திருக்கிறதாம். இதனிடையே நடிகர் விஜய், ராகவா லாரன்சை பாராட்டியுள்ளார்.

விஜய்யும், ராகவா லாரன்ஸும் நெருங்கிய நண்பர்கள். காஞ்சனா – 2 படத்தின் ஹிட் பற்றி கேள்விப்பட்ட விஜய், ராகவா லாரன்ஸை தனது வீட்டிற்க்கு அழைத்து மனதார பாராட்டி வாழ்த்து தெரிவித்திருக்கிறார். நல்ல நண்பர் வாழ்த்தால் மனம் நெகிழ்ந்து போயிருக்கிறார் ராகவா லாரன்ஸ்.

சில தினங்களுக்கு முன்பு சூப்பர் ஸ்டார் ரஜினிகாந்த் ‘காஞ்சனா – 2’ படத்திற்காக ராகவா லாரன்ஸை வாழ்த்தியது குறிப்பிடத்தக்கது.

காஞ்சனா-2 மூன்று நாள் வசூல் எவ்வளவு?

திகில் படத்தை காமெடியாக சொல்லி தமிழ் சினிமாவில் புதிய டிரெண்ட்டை உருவாக்கியவர் ராகவா லாரன்ஸ்.

மீண்டும் அதே பாணியில் லாரன்ஸ் இயக்கி நடித்துள்ள படம் தான் ‘காஞ்சனா-2’. கடந்த வெள்ளிக்கிழமை(ஏப்ரல் 17) உலகமெங்கும் வெளியான இப்படத்திற்கு ரசிகர்கள் மத்தியில் பலத்த வரவேற்பு கிடைத்துள்ளது. படம் பற்றி இருவிதமான விமர்சனங்கள் வந்த போதிலும் வசூலில் குறைவைக்கவில்லை.

3 நாட்களில் மட்டும் காஞ்சனா-2 திரைப்படம் கிட்டத்தட்ட ரூ. 12 கோடி வரை வசூலித்திருக்கிறதாம். தமிழகம் மட்டுமின்றி கேரளா, ஆந்திரா, மலேசியா உள்ளிட்ட இடங்களிலும் ‘காஞ்சனா-2’விற்கு நல்ல வசூலாம். முன்னணி நடிகர்களின் படங்களுக்குப் பிறகு பெரிய வசூல் செய்த படமாக ‘காஞ்சனா-2’வை கூறுகிறார்கள்.

ராகவா லாரன்ஸின் கேரியரிலும் மிகப் பெரிய வசூலை குவித்த படமாக இந்தப் படம் திகழ்கிறது. ‘காஞ்சனா-2’ தமிழகத்தில் மட்டும் 330க்கும் அதிகமான திரையரங்குகளில் வெளியானது என்பது குறிப்பிடத்தக்கது.