செய்திகள்

வெற்றிலையில் மஹிந்த போட்டியிடுவது உறுதி: அடித்துக் கூறுகின்றார் வாசு

எதிர்­வரும் பொதுத்­தேர்­தலில் மஹிந்த ராஜ­பக் ஷ ஐக்­கிய மக்கள் சுதந்­திர முன்­ன­ணியில் வெற்­றி­லைச் சின்­னத்தில் பிர­தமர் வேட்­பா­ள­ராக போட்­டி­யி­டு­வது நிச்­சயமாகும் என்று ஜனநாயக இடது சாரி முன்னணியின் தலைவரும் முன்னாள் எம்.பி.யுமான வாசு­தேவ நாண­யக்­கார தெரிவித்தார்.

எதிர்­வரும் 6 ஆம் திகதி மஹிந்த தலை­மையில் முத­லா­வது பிர­சா­ர­கூட்டம் அநு ­ரா­த­பு­ரத்தில் நடை­பெ­ற­வுள்­ள­தா­கவும் அவர் குறிப்பிட்டார். இது தொடர்­பாக வாசு­தேவ நாண­யக்­கார மேலும் தெரி­விக்­கையில் கூறியிருப்பதாவது:

“எதிர்­வரும் பொதுத்­தேர்­தலில் ஐ.தே.கட்சி தோல்­வி­ய­டை­வது நிச்­ச­ய­மாகும். நாட்டு மக்கள் அக்­கட்­சியின் பலாத்­கா­ர­மான சிறு­பான்மை ஆட்­சியை வெறுத்து விட்­டனர். எனவே முன்னாள் ஜனா­தி­பதி மகிந்த ராஜ­பக்­ஸவே எதிர்­வரும் பொதுத்­தேர்­த­லுக்கு பின்னர் மக்கள் ஆத­ர­வுடன் இந்­நாட்டின் பிர­த­ம­ராக பொறுப்­பேற்பார்.

நாம் ஐக்­கிய மக்கள் சுதந்­திர முன்­ன­ணியை கைப்­பற்­றுவோம். அதன் வெற்­றிலை சின்­னத்தில் மகிந்த ராஜ­பக்ஸ பிர­தமர் வேட்­பா­ள­ராக கள­மி­றங்­கு­வது நிச்­ச­ய­மாகும். இதனை எவ­ராலும் தடுக்க முடி­யாது. சந்­தி­ரிக்­கா­வுக்கு இதனை தடுப்­ப­தற்­கான எவ்­வித அதி­கா­ரமும் கிடை­யாது.

அவ்­வாறு வெற்­றி­லைச்­சின்­னத்தில் போட்­டி­யிடும் வாய்ப்பு கிடைக்­காமல் போனால் அதற்கு பின்னர் அதற்­கான மாற்று மருந்து எம்­மிடம் இருக்­கின்­றது. மஹிந்­தவை பிர­த­ம­ராக்­கு­வ­தற்கு அனைத்து வியூ­கங்­க­ளையும் வகுத்­துள்ளோம். தேர்தல் நட­வ­டிக்­கை­களை முன்­னெ­டுப்­ப­தற்­காக குழுக்கள் அமைக்­கப்­பட்­டுள்­ளன.

எதிர்­வரும் ஜுலை 6 ஆம் திகதி மகிந்த தலை­மையில் முத­லா­வது பொதுக்­கூட்டம் அநு­ரா­த­பு­ரத்தில் நடை­பெ­ற­வுள்­ளது. இந்­நாட்டில் ஐக்கிய மக்கள் சுதந்திர முன்னணியை சேர்ந்த எம்பிக்கள் மாகாண சபை உறுப்பினர்களான 110க்கும் மேற்பட்டோர் இதில் கலந்து கொள்வார்கள் என்றார்.