அமைப்பாளர்கள் பதவிகளிலிருந்து பலர் நீக்கம்;40 புதிய அமைப்பாளர்கள் நியமனம்

ஒன்றிணைந்த எதிர்க்கட்சியில் அங்கம் வகிக்கும், ஸ்ரீ லங்கா சுதந்திரக் கட்சியைச் சேர்ந்த பலர், சுதந்திரக் கட்சியின் மாவட்ட மற்றும் தொகுதி அமைப்பாளர்கள் பதவிகளிலிருந்து நீக்கப்பட்டுள்ளனர்.

இதேவேளை, ஸ்ரீ லங்கா சுதந்திரக் கட்சியின் புதிய தொகுதி மற்றும் மாவட்ட அமைப்பாளர்கள் 40 பேர்கள் ஜனாதிபதி மைத்திரிபால சிறிசேன முன்னிலையில் பதவிப் பிரமாணம் செய்துகொண்டனர்.

இந்த நிகழ்வு இன்று புதன்கிழமை  ஜனாதிபதியின் உத்தியோகபூர்வ இல்லத்தில்   முற்பகல் இடம்பெற்றது.

புதிய தொகுதி அமைப்பாளர்கள் 16 பேரும், மாவட்ட அமைப்பாளர்கள் 24 பேருமே ஜனாதிபதியிடமிருந்து தமது நியமனக் கடிதங்களைப் பெற்றுக்கொண்டனர்.

இதேவேளை, பவித்ரா வன்னியாராச்சி, கெஹலிய ரம்புக்வெல்ல, சீ.பி.ரத்நாயக்க, காமினி லொகுகே, உபேக்‌ஷா சுவர்ணமாலி, ரோஹித அபேகுணவர்த்தன, மஹிந்த யாபா அபேவர்த்தன, உள்ளிட்ட 13 பேர் தொகுதி அமைப்பாளர்கள் பதவியில் இருந்து நீக்கப்பட்டு புதியவர்களை நியமிக்க நடவடிக்கை எடுக்கப்பட்டுள்ளது என்பது குறிப்பிடத்தக்கது.

இதன்படி மாவட்ட அமைப்பாளர்கள் விபரம்:

கொழும்பு – குசைன் மன்சில், சட்டத்தரணி ரஜிக கொடிதுவக்கு, அனுர அதுகோரல, விதுர பாலசூரிய

வவுனியா – சமிந்த வாசல

தொகுதி அமைப்பாளர்கள் விபரம்

கொழும்பு

* கெஸ்பேவ தொகுதி – சந்தன கத்திஆராச்சி (தொகுதி பிரதான அமைப்பாளராக நியமனம்)

கம்பஹா

* மீரிகம – சங்ஜய சிறிவர்த்தன (தொகுதி பிரதான அமைப்பாளராக நியமனம்)

* நீர்கொழும்பு – லலித் டென்சில் (தொகு அமைப்பாளராக நியமனம்)

* திவுலபிடிய – சந்தன ஜெயக்கொடி (தொகு பிரதான அமைப்பாளராக நியமனம்)

களுத்துறை

* களுத்துறை – சுமித் லால் மென்டீஸ் (தொகு பிரதான அமைப்பாளராக நியமனம்)

* பேருவளை – எம்.எச்.எம்.அமீஜாட்

மாத்தறை

* வெலிகம – ஹேமால் குணரத்ன (தொகு அமைப்பாளராக நியமனம்)

ஹம்பாந்தோட்டை

* வெலிஅத்த – எராஜ் ரவீந்திர பிரணாந்து

கண்டி

* குணடசாலை – சுனில் கித்சிறி அமரதுங்க

நுவரெலியா

* வலப்பனை – ஜகத் குமார சமரஹேவா

இரத்தினபுரி

* எஹலியகொட – சரத் சந்தநாயக்க

கேகாலை

* கேகாலை – ஆனந்த மில்லன்கொட

பதுளை

* ஊவாபரணகம – டீ.எம்.பீ.ஏ.தசாநாயக்க

* ஹபுதலை – சுமித் சமயதாஸ (தொகு பிரதான அமைப்பாளராக நியமனம்)

வவுனியா

* வவுனியா – சிங்களப் பகுதிகளுக்கு பீ.சுமதிபால, ஏனைய பகுதிகளுக்கு கே.காதர் மஸ்தான்

n10