செய்திகள்

19 ஆவது திருத்தம் ஐ.தே.க.வின் சதி முயற்சி: சம்பிக்க ரணவக்க குற்றச்சாட்டு

பாரா­ளு­மன்­றத்தில் சமர்ப்பிக்கப்பட்டுள்ள 19ஆவது திருத்தச் சட்டம் முழு­மை­யாக ஐக்­கிய தேசியக் கட்­சி­யின் சதி முயற்சியின் ஊடாக கொண்டுவரப்பட்டுள்ளது. பிர­தமர் ரணில் விக்­ர­ம­சிங்க சூழ்ச்சி செய்தே 19ஆவது திருத்­தத்­தினை கொண்டு வந்­துள்­ளார் என ஜாதிக ஹெல உறு­ம­யவின் பொதுச்­செ­ய­லாளர் சம்­பிக்க ரண­வக்க தெரி­வித்தார்.

19ஆவது திருத்­தத்­தினை பாரா­ளு­மன்­றத்தில் எதிர்க்­க­வுள்­ள­துடன். அதில் திருத்­தங்­களை மேற்­கொள்ளும் யோச­னை­களை முன்­வைக்­க­வுள்­ள­தா­கவும் அவர் குறிப்­பிட்டார். 19ஆவது திருத்தச் சட்டம் தொடர்பில் ஜாதிக ஹெல உறு­மய தொடர்ச்­சி­யாக எதிர்ப்­பினை தெரி­வித்து வரு­கின்ற நிலையில் அது தொடர் பில் வின­விய போதே அவர் மேற்­கண்­ட­வாறு தெரி­வித்தார். அவர் மேலும் குறிப்­பிட்­ட­தா­வது:

“19வது திருத்தச் சட்டம் தொடர்பில் கடந்த வாரம் நீதி­மன்ற ஆய்­விற்கு உட்­ப­டுத்­தப்­பட்­ட­துடன் எதிர்­வரும் 10ம் திகதி பாரா­ளு­மன்ற கூட்­டத்தில் வாக்­கெ­டுப்­பிற்கு விடப்­ப­ட­வுள்­ளது. எனினும் 19வது திருத்தச் சட்டம் எதற்­காக கொண்­டு­வ­ரப்­பட்­ட­தென்­பதை இன்று அனை­வரும் மறந்­து­விட்­டனர். பொது எதி­ர­ணியின் தேர்தல் விஞ்­ஞா­ப­னத்தில் எந்­த­வொரு இடத்­திலும் ஜனா­தி­பதி முறைமை முழு­மை­யாக நீக்­கப்­பட வேண்டும் என குறிப்­பி­டப்­ப­ட­வில்லை. அதேபோல் நாட்டின் ஒரு சில அசா­தா­ரண சூழ்­நி­லையில் ஜனா­தி­ப­திக்­கான அதி­கா­ரங்கள் நீக்­கப்­ப­டவும் கூடாது.

முன்னாள் ஜனா­தி­பதி மஹிந்த ராஜபக் ஷ அப்­போது இம்­மு­றையின் அதி­கா­ரங்­களை சர்­வ­தி­கா­ர­மாக பயன்­ப­டுத்தி நாட்டை சர்­வ­தி­கா­ரத்தின் பாதையில் கொண்டு சென்­று­விட்டார். இந் நிலையில் சர்­வா­தி­கார ஜனா­தி­பதி முறை­மை­யினை ஜன­நா­யக முற­மை­யாக மாற்­றி­ய­மைக்க வேண்டும் என்­ப­தையே நாம் வலி­யு­றுத்­தி­கின்றோம். எனவே 19 வது திருத்­தத்தில் ஜனா­திபதி முைற­மையின் அதி­கா­ரங்­களை முற்­றாக நீக்­கு­வ­தற்கு ஜாதிக ஹெல உறு­மய ஒத்­து­ழைக்கப் போவ­தில்லை என்றார்.

பிர­தமர் ரணில் விக்­கி­ர­ம­சிங்க மக்­களின் ஆத­ர­வுடன் அப் பத­விக்கு வர­வில்லை, பாரா­ளு­மன்­ற­மத்தின் பெரும்­க­பான்மை ஐக்­கிய மக்கள் சுதந்­திரக் கட்­சியின் வசம் இருக்­கையில் ரணிலை பிர­த­ம­ராக மாற்­றி­யது ஜனா­தி­பதி மைத்­தி­ரி­பால சிறி­சே­னவின் வாக்­கு­று­தியேயாகும். ஆனால் இன்று 19 வது திருத்­த­தி­னு­டாக ஜனா­தி­ப­திக்­கான அதி­கா­ரங்­களை முழு­மை­யாக பிர­த­மரின் கைக­ளுக்குள் கொண்­டு­வர ரணில் தலை­மை­யி­லான ஐக்­கிய தேசிய கட்சி முயற்­சிக்­கின்­றது.

19 வது திருத்­ததில் ஜனா­தி­பதி முறை­மையில் மாற்றம் கொண்­டு­வ­ராது, சுயா­தீன ஆணைக்­கு­ழுவின் செயற்­பா­டு­களை பலப்­ப­டுத்­து­வது மட்­டு­மன்றி தேர்தல் முறை­மையின் மாற்றம் கொண்­டு­வ­ரு­வது என்ற மூன்று விட­யங்கள் உள்­ள­டக்­கப்­பட்­டுள்­ளன. ஆனால் ஐக்­கிய தேசிய கட்­சி­யினர் தேர்தல் முறை­மை­யினை நீக்­கி­விட்டு ஏனைய இரண்டு விடயங்­களை மட்­டுமே முன்­வைத்­துள்­ளனர்.

ஜனா­தி­பதி முறை­யினை முழு­மை­யாக நீக்கி ஜனா­தி­ப­தியை பொம்­மைபோல் செயற்­பட நாம் ஒரு­போதும் அனு­ம­திக்க முடி­யாது. அவ்­வாறு செயற்­ப­டுத்தி அதி­கா­ரத்­தினை தம் வசப்­ப­டுத்தும் ரணில் விக்­கி­ர­ம­சிங்­கவின் செயற்­பா­டு­க­ளையே நாம் சதித்­திட்டம் என கூறு­கின்றோம்.

19 வது திருத்தம் பாரா­ளு­மன்­றத்தின் சமர்ப்­பிக்­கப்­பட்டு வாக்­கெ­டுப்­பிற்கு விடப்­படும் போது அதற்கு எதி­ரா­கவே நாம் வாக்­க­ளிப்போம். ஸ்ரீலங்கா சுதந்­திர கட்­சியும் அதனை எதிர்க்கும். அதே­வேளை 19 வது திருத்­தத்தில் புதிய திருத்­தங்­களை கொண்­டு­வந்து ஜனா­தி­ப­திக்­கான ஒரு சில அதி­கா­ரங்­களை பலப்­ப­டுத்­து­வதே எமது திட்டம். அதற்­கான சில யோச­னை­களை 10 ம் திகதி பாரா­ளு­மன்­றத்தில் சமர்ப்­பிப்போம்.