செய்திகள்

நாட்டில் மேலும் இரண்டாயிரத்து 196 பேருக்குக் கொரோனா வைரஸ் தொற்று

நாட்டில் நேற்று இரண்டாயிரத்து 196 பேருக்குக் கொரோனா வைரஸ் தொற்று கண்டறியப்பட்டுள்ளதாக சுகாதார அமைச்சின் தேசிய தொற்று நோயியல் பிரிவு தெரிவித்துள்ளது.இவர்களில் 18 பேர் வெளிநாடுகளில் இருந்து நாடு திரும்பியவர்கள் என தெரிவிக்கப்பட்டுள்ளது.இதேவேளை, கொரோனா தடுப்பூசியின் முதலாவது டோஸ் இதுவரை 24இலட்சத்து 87 ஆயிரத்து 297 பேருக்குச் செலுத்தப்பட்டுள்ள நிலையில் இரண்டாவது டோஸ் இதுவரை எட்டு இலட்சத்து 57 ஆயிரத்து 868பேருக்குச் செலுத்தப்பட்டுள்ளது.

இதேவேளை, கொரோனா தொற்றிலிருந்து குணமடைந்த ஆயிரத்து 890 பேர் இன்று வைத்தியசாலைகளில் இருந்து வெளியேறிய நிலையில், மொத்தமாக இரண்டு இலட்சத்து 11 ஆயிரத்து 186 பேர் தொற்றிலிருந்து மீண்டுள்ளனர்.இந்நிலையில், 32ஆயிரத்து 219 கொரோனா தொற்றாளர்கள் தொடர்ந்து வைத்தியசாலைகளில் சிகிச்சைபெற்று வருகின்றனர்.அத்துடன், கொரோனா தொற்றினால் மரணித்தவர்களின் மொத்த எண்ணிக்கை இரண்டாயிரத்து 769ஆகப் பதிவாகியுள்ளது.(15)